Ahsan Faqeer Langha
احسان فقير لانگاھ بابت تسلي بخش احوال نٿو ملي. شاهه جي رسالي جي سُر ڪيڏاري ۾ سندس بيت ملن ٿا. 1920ع ۾ مخدوم محمد صالح ڀٽي هالائيءَ، ’ڪيڏارو‘ نالي ڪتابڙي ۾ ڪن شاعرن جا بيت گڏ ڪيا، جن ۾ احسان فقير جا بيت پڻ شامل آهن. ٻانهي خان شيخ جي ترتيب ڏنل شاهه جي رسالي ۾ پڻ شروعاتي صفحن ۾ سر ڪيڏاري تي بحث ڪندي سندس نالو ذڪر هيٺ آيو آهي.
احسان فقير لانگاھ
پيدائش
سيوهڻ
وفات
1897
ٽنڊو الهيار
شھرت جو ڪارڻ
سنڌي شاعري
هڪ روايت موجب احسان فقير لانگاهه، سيوهڻ جو ويٺل هو، جو پوءِ لڏي اچي ٽنڊي الهيار ۾ رهيو. نِيرَ جو ڪم ڪندو هو. مصري شاهه نصرپوريءَ سان سندس صحبت هئي. 1315هه/1897ع ۾ وفات ڪيائين.
احسان فقير جو ذڪر نامياري ليکڪ فضل احمد بچاڻي مرحوم پنهنجي ڪتاب “اڳي ائين هياس” ۾ به ڪيو آهي.
