Ali Asghar Bhatti
ساھتي جا شاعر
اصلي نالو: علي اصغر ڀٽي
ادبي نالو:اصغر ڀٽي ڀريائي
ولديت : محمد عمر ڀٽي
جنم: 7اپريل 1968ع
جنم جو ھنڌ:ڏاتو منڱيو پنو
تعليم:بي ايس سي,بي ايڊ, ايم اي (سنڌي),ايم ايڊ
ذريعه معاش:ائسوسيئٽ پروفيسر
ادبي ابتدا:سال 1982 کان
ادبي سڃاڻپ: شاعري ,نثر,تحقيق, تنقيد ,مقاله,مھاڳ
ڇپيل ڪتاب : ۱.مرتب:سومرو حڪيم غلام محمد عرشي جي شاعري (ديوان عرشي)جي ترتيب شايع ٿيل
۲.انسائڪلو پيڊيا سنڌيانا ۾ ساھتي جي بزرگن جون 62 بايو گرافيز شايع ٿيل
۳.ھئنيڙي سڄڻ ساريا ڪتاب ۾ 72 ادبي خط شايع ٿيل
اڻ ڇپيل ڪتاب: 79 سنڌي ڪتابن تي لکيل جامع انتقادياتي طويل مھاڳن تي مبني پنجن نثري ڪتابن جو مواد گڏوگڏ 2 اردو ڪتابن تي لکيل پيش لفظ
۲.شاعري ۾ پنجن 5 ڪتابن جو مواد
شاعري
دنيا کي سمجھڻ ۾ ڏاڍو, ذھنن دوکو کاڌو آھي،
بي سمجھ بري ٿي ويا سارا , سمجھن دوکو کاڌو آھي.
پھچي ٿو وڃي پيو حسن,ازل , مون تائين اوٽون اورانگھي,
توسان گڏ ھر ڀيري تنھنجي, پردن دوکو کاڌو آھي.
حالات تباھي ڏانھن نين ٿا,حال جي تبديلين تي ويتر,
مستقبل جي سارن سندر , سپنن دوکو کاڌو آھي.
اعتماد جو انڌو عمل ٿو رئاري, رت جا ڳوڙھا روز بروز ,
ھاء جو ظالم ماڻھن وٽ پي , سھڻن دوکو کاڌو آھي.
ھو ڪيئن حال پڇائي اصغر , ھو ڪيئن ساٿ نڀائي اصغر ،
ھن تائين پھچڻ کان پھريان ، لفظن دوکو کاڌو آھي
ھر ڪنھن جي ڪلھي تي ڪنڌ لاڙي روئي نہ سگھيس ٽھڪي نہ سگھيس,
پر توکي ڏورئون ئي ڏسندي رھجي نہ سگھيس چپ ٿي نہ سگھيس ،
دردن جي ڪفن ۾ غم ويڙھي ،سڏڪن ۾ مرڪون ساڻ کڻين،
باذوق اڳيان گذري نہ سگھيس ، بد ذوق اڳيان رڪجي نہ سگھيس
شام جي سرخي مان نب ٻوڙي لکان
صبح جي اصغر افق ظاھر ٿئي
ڏات شل اونداه کي اندران ڪپي
چوطرف چانڊوڪڙي ٻاھر ٿئي
مونکي اجرڪ ۽ ٽوپي جو ڏئي واسطو
سوال اصغر پڇي ٿو موئن جو دڙو ،
ڇو تسلسل نہ آ ڇو نہ ٿي ارتقا!؟
پنھنجي تاريخ پڙھ گھٽ ۾ گھٽ ھڪ دفعو.
