Azeem Sindhi
ساھتي جا شاعر
عظيم سنڌي
نالو؛ عبدالعظيم سولنگي
والد جو نالو؛ محمد يوسف
ادبي نالو؛ عظيم سنڌي
جنم؛ پهرين مارچ 1952ع
تعليم ؛ ايم اي سنڌي ۽ پوليٽيڪل سائنس
ڇپيل ڪتاب: مٽيءَ جي مهڪ
پتو؛ عظيم سنڌي روڊ مورو
شاعري
چغل چنيسر تون جي خلجي ڏي ٿو دانهين
ته پوءِ اسان مان ناهين
لالچ لوڀ جي خاطر لوڀي مظلومن جو رت وهائين
ته پوءِ اسان مان ناهين
وقت سان پنهنجو ٺاهه ڪري ٿو جي شان بچائين
ته پوءِ اسان مان ناهين
انگ اگهاڙا پيٽ بکيا جي گولين سان ٿو گهائين
ته پوءِ اسان مان ناهين
انسانيت جو قاتل بڻجي ٻئي جو رت وهائين
ته پوءِ اسان مان ناهين
پاڪ پيارو پاڻي سنڌ جو زم زم کان گهٽ ڀائين
ته پوءِ اسان مان ناهين
عظيم سڏائي جند بچائي لڪيو شعر ٿو ٺاهين
ته پوءِ اسان مان ناهين
غزل
پيار کپي پر جام کپي
سو به ٿو سري عام کپي
الفت جي انڊلٺ مان
جهرمر مونکي جام کپي
امن کپي انصاف کپي
صبح کپي ۽ شام کپي
درد ونڊن جي ديس منج
