Faqeer Imamddin
فقیر امام الدین
۔۔۔۔۔۔۔۔۔۔۔۔۔۔۔۔۔۔۔
سنڌ جي مشهور صوفي فنڪار، ليکڪ ۽ شاعر فقير امام الدين ڊکڻ 14 آگسٽ 1931ع تي ڊکڻ شھر ۾ جنم ورتو، جڏهن ته 30 آڪٽوبر 2015ع تي وفات ڪئي، ھن ابتدائي تعليم ڊکڻ شھر مان ۽ وڌيڪ تعليم لاڙڪاڻي مان حاصل ڪئي، ڪجهه وقت حيدرآباد جي جامعه عربيه مدرسي ۾ به پڙهيو، تعليم مڪمل ڪرڻ کانپوءِ پاڪستان ايئر فورسز ۾ نوڪري شروع ڪئي، پوءِ اھا نوڪري ڇڏي انڪم ٽيڪس ڊپارٽمينٽ ۾ ڪلارڪ ٿيو، پوءِ اھا به ڇڏي ڏني، پوءِ سڄي زندگي شاعري ۽ راڳ، ويراڳ جي حوالي ڪري ڇڏيائين، سڄي زندگي صوفي شاھ عنايت شهيد جو خليفو ٿي رهيو، ھن صوفي شاعري ڪئي ۽ ڳائي، سندس ڪيترائي شاگرد ٿيا، جيڪي ساڻس گڏ به ڳائيندا ھئا، سندس “عشق ستار” جي عنوان سان ھڪ ڪتاب به لکيل آهي..
